Jesuh In Kua A Hiam?

Jehovah in Jesuh pen leitungah a hongpai sak hi. 1 Johan 4:9

Eite’ n Jehovah’ maipha i ngahnop leh a dang mi thupi khat i thu, ih mang ding zong kisam hi. Adam a bawlma kum tampi lai-in Jehovah in vantungah a vanglian vantungmi khat a bawl hi.

A hun hongtunciang, Mary ki-ci nungak siangtho khat pan, Bethlehem khua-ah amah a suakdingin Jehovah in a bawl hi. Tua naungek pen Jesuh ci-in min kivawh hi.—Johan 6:38.

Leitung mihinga a nuntak hang, Jesuh in Pasian ciimna a hoihpeen in na lakkhia hi. Amah pen mi hehpih in, zong it-a, va zuat ol hi. Jehovah tawh kisai thuman thutakte hangsantakin a hilhkhia hi.

Jesuh pen na hoih sem mah tase leh muhdah na thuak hi. 1 Peter 2:21-24

Biakna makaite in Jesuh mudah uh hi. Ba’ hang hiam cihleh Jesuh in amau thu hilhna man lo leh a gamtat hoihlohnate uh a lakkhiat man ahi hi.

Jesuh in cinate damsak a, misi pawlkhat zong hingkik sak hi.

Biakna makaite in Jesuh pen saatgawp ding, thah ding in Rom galkapte na holhthawh uh hi.