Lai Siangtho kikupkhopna pan hamphatna tampi ngah theih dan
Hih a toma hilhcianna pen en masa inla, tua khit teh VIDEO hong in.
THUMASA
Sin ding thu khat na kithawikholh ciangin thumasa pen sim in. Colour a tuam tawh a kigelh dotnate (A) le a thupi diak thute a kilangsak Lai Siangtho munte (B) sim in. Lai Siangtho mun pawlkhatte pen “sim in” ci-in kiciamteh hi.
THULAI
Zon Beh Inla, Muh Beh In cih nuai-a thupatna (C) in i kikup ding thu hong theisak hi. Thuluneute (D) in a thupi diak thute hong theisak hi. Lai Siangtho hong sinpih pen tawh Lai Siangtho munte sim un. Dotnate dawng inla, video-te en khawm un.
VIDEO lah nading munte zong om hi. Video pawlkhatte pen thupiang takpite hi a, pawlkhatte ciang tu hun dinmun a kilangsak limlahnate ahi hi.
Limte le lim tawh kisai-a hilhcianna laite (E) limtakin ngaihsun in. Mi Pawlkhatte’ Gen (F) pen na dawn dan ding ngaihsun in.
THUTAWPNA
Tomlakna le Kikupkikna (G) cih tawh sin ding thu pen kikhup hi. Na kikup zawh ni ciamteh in. Ngimna (H) in na sep ding pawlkhat hong gen ding hi. Theih Beh Nading (I) cihna munah na sim beh ding le na et beh ding thute kimu thei hi.
A Sunga Thu Omte
|
|
|
|
|
Lai Siangtho munte zon dan
Lai Siangtho sungah laibu neu 66 om hi. Hebru-Aramaic Lai Siangthote (“Thuciam Lui”) le Khristian Greek Lai Siangthote (“Thuciam Thak”) ci-in khen nihin kikhen hi.
Lai Siangtho mun a bulphuh ciang, Lai Siangtho bu min (A), a lian (B), le a neu (C) ci-in kilak hi.
Gentehna-in, Johan 17:3 hileh Johan laibu, a lian 17, a neu 3 cihna ahi hi.