Nang Guak Bek Om In Na Lau Ngei Hiam?

En dih lim sunga naupang no. Amah guak hi a, lau tuak si ma’te, hi mah ahia? Tua bangin na tuak ngei hiam?—Mi khempeuh in khat veivei tuak ngei aive. Khat guak a, om in a lau ngei Jehovah i lawmte thu Lai Siangtho in na gen hi. Tua-te lakah khat pen Elijah hi. Ama thu sin ni maw.

Elijah pen Jesuh hong suah mapek, kum tampi lai-in Israel gamah a nungta khat hi. Ahab pen Israel-te kumpi hi a, a man Pasian Jehovah bia lo hi. Ahab le a zi Jezebel in a man lo pasian Baal bia uh hi. Tua ahih manin Israel mi a tam zaw in Baal biak hong kipan uh hi. Kumpi nu Jezebel in Elijah-a kipan, Jehovah a bia kuamapeuh mudah mahmah a, that nuam hi! Elijah in bang cih hiam na thei naa?—

Elijah taikhia aive! Gam mangtulak ah tai-in leihawmah bu hi. Tua bangin a taikhiatna ahang na thei hiam?—Hi mah, lau ahih man aive. Ahih hang Elijah in a lau kul lo hi. Ba’hang in maw? Ahang pen Jehovah in a huh ding lam thei ahih man hi. Jehovah in a thahatna Elijah na lak ngei khin hi. Khat vei, Jehovah in Elijah’ thunget dawngin vantung pan meikuang a kia sak hi. Hihmahtaseleh tu’n Jehovah in Elijah huhta!

Elijah leihawm sungah a omlai tak, Jehovah in hopih a, ‘Hih lai-ah banghih na hiam?’ ci-in dong a, Elijah in: ‘Nang hong bia, kei bek ka omlai hi. Kei bek mah hi in. Hong kithah ding ka lau hi’ ci hi. Elijah in Jehovah a bia mi khempeuh ki that khin in um hi. Ahih hang Jehovah in Elijah kiang ah: ‘Hi lo, tua thu man lo hi. Tu dong mah kei hong bia, mi 7,000 om lai hi. Hangsan in. Nang sep ding na tampi ka vaihawm hi!’ ci hi. Tua thu a zak ciang Elijah lungnuam in na um naa?—

Elijah tung thupiangte pan nangh bang thu sin thei na hiam?—Cikmah hun in khatkia ci-in lau kul nawn lo hi. Jehovah a it-te leh nang hong it lawmte nei hi teh. Tua banah, Jehovah pen vanglian mahmah ahih teh, a tawntung in nang hong huh ding hi! Nang guak bek hi lo cih na theihna pan na lung a nuam hiam?—