Numei Nu In A Pa Leh Jehovah Lungdamsak

Hih lim sunga numei no namu naa?—Amah pen Jefthah min nei pasal khat i tanu hi. Lai Siangtho in numei no min na gen kei, a hihhang a pa leh Jehovah a lungdamsak lam i thei hi. Amah leh a pa Jefthah-te thu sin ni.

Jefthah pen mi hoih khat hi a, hun tampi zangin Jehovah thu a tanu hilh den hi. Amah a thahat leh makaih siam khat hi. Tua ahih manin Israel mite’n gal a do uh ciang, makai dingin na ngen uh hi.

Jefthah in gal a zawh nading Pasian huhna ngen hi. Jefthah in kamciam pia a, ka gualzawh leh inn ka ciah ciang ka innsung pan hong paikhia masa pen Jehovah ka pia ding ci hi. Tua mi pen numei ahi zong pasal ahi zongin Pasian’ biakbuk-ah a khantawn in tengin na asep kul hi. Tua biakbuk pen mite’n Pasian bia ding a, a pai-na mun hi. Hoih eileh, Jefthah gal zo! Amah inn hong ciahta a, innsung pan hong paikhia masa pen kua hiam na thei naa?—

Himah, Jefthah’ tanu! Numei no pen a tanu neihsun hi a, tu’n Jefthah in a tanu, mun dangah a paisak kulta hi. Tua in Jefthah khasiasak mahmah hi. Ahih hang na phawk ding ah ama’n kamciam khin hi. Tua lian leh, a tanu in: ‘Pa aw, nangh Jehovah kamciam khin hi teh, tua ahih ciang na kamciam zui suak in’ ci hi.

Jefthah’ tanu zong khasia mahmah hi. Tua biakbuk ah, numei nu in mopi thei lo a, ta zong nei thei lo hi. Ahih hang numei nu in a pa’ kamciam kipsak nuam a, Jehovah zong lungdamsak nuam mahmah hi. Tua in mi tawh kitenga ta neihna sang ama ading na’ thupi zaw hi. Tua ahih ciang, numei nu a inn pan paikhia in biakbuk-ah a khantawn in a teng hi.

Numei nu i a sepna pan a pa leh Jehovah lungdamsak in na um hia?—Himah, lungdamsak mah! Nangh Jehovah it a, ama thu na mang leh Jefthah’ tanu tawh na kibang ding hi. Nangh zong Jehovah leh na nu le na pa lungdamsak mahmah thei hi teh.