Pasian’ Deihna In Bang A Hiam?

Pasian in kilem a, lungnuam takin leitung paradias-ah a tawntungin hong nungta sak nuam hi!

‘Tua bangin piang ngei ken teh?’ ci-in nangh ngaihsun kha thei ni teh. Pasian Gam in hong bawlsak zo ding hi ci-in Lai Siangtho in na gen hi. Tua Gam thu le eite ading Pasian ngimna thute mihing te’n a sin ding Pasian in deih hi.—Late 37:11, 29; Isaiah 9:7.

Pasian in hamphatna hong ngahsak nuam hi.

Itna nei pa in a tate a hoihpen a deihsak mah bangin vantunga i Pa in a tawntungin hong lungnuamsak nuam hi. (Isaiah 48:17, 18) Ama’n hih bangin kamciam a, “Pasian’ deihna bangin a gamta mite pen kip tawntung ding hi” ci hi.—1 Johan 2:17.

Pasian in ama lampi-ah i zuih ding deih hi.

Lai Siangtho genna-ah Piangsakpa in “ama lampite i zuih theih nading” in “ama zialetongte hong hilh” nuam ci hi. (Isaiah 2:2, 3) Pasian deihna leitung munkimah a kitheih nadingin Pasian in ama min ading minam khat na phuan khia hi.—Sawltak 15:14.

Pasian in amah i biakna-ah hong kithutuaksak nuam hi.

Jehovah ii a siangtho biakna in mite lungsim kitukalhsak ding sang itna man tawh kipumkhat sak zaw hi. (Johan 13:35) Mun khempeuh a, om numei pasalte in kithutuak taka Pasian a biak theih nading tu hunah kuate’n thu na hilh uh hiam? Hih laibu zangin tua thute a dawn’na na kan lai ding kong hanthawn uh hi.