داهاتوویەکی باشتر لە پێشە!
«پاش ماوەیەکی کەم بەدکار نامێنێت، دەڕوانیتە شوێنەکەی، لەوێ نەماوە . . . بەڵام بێفیزەکان دەبنە میراتگری خاکەکە و خۆشی لە زۆری ئاشتی دەبینن.»—زەبوورەکان ٣٧:١٠، ١١.
ئایا حەز دەکەیت ئەم پێشبینییە بە چاوی خۆت ببینیت؟ بێ گومان پێت خۆشە. بەڵگەی بەهێز هەن، بۆ ئەوەی بڕوا بکەین کە ئەم پێشبینیە بەم زووانە ڕوودەدات.
لە لاپەڕەکانی پێشوو تەنها باسی هەندێک لە پێشبینییەکانی پەرتووکی پیرۆزمان کرد کە بە ڕوونی ئاماژە بەوە دەکەن کە ئێمە لە «ڕۆژانی کۆتاییدا» دەژین. (٢ تیمۆساوس ٣:١-٥) خودا بە نووسەرانی پەرتووکی پیرۆز ئیلهامی کرد، کە ڕووداوەکان پێشبینی بکەن، ئەم پێشبینیانە یارمەتیمان دەدەن کە بە داهاتوو هیوامان هەبێت. (ڕۆما ١٥:٤) بەدیهێنانی ئەم جۆرە پێشبینیانە، مانای ئەوەیە کە ئەو کێشانەی کە ئێستا ڕووبەڕوومان دەبنەوە بەم زووانە کۆتایی پێدێت.
دوای «ڕۆژانی کۆتایی» چی ڕوودەدات؟ لەو کاتەدا پاشایەتی خودا حوکمڕانی هەموو مرۆڤایەتی دەکات. (مەتا ٦:٩-١٠) لە بەشی خوارەوە بیر لەوە بکەوە کە پەرتووکی پیرۆز چۆن باسی بارودۆخی داهاتووی زەوی دەکات:
● ئیتر برسێەتی نامێنێت. «با دانەوێڵەیەکی زۆر لەسەر زەوی بێت، لەسەر لووتکەی گردەکان.»—زەبوورەکان ٧٢:١٦.
● نەخۆشی لەسەر زەوی بنبڕ دەبێت. «هیچ کام لە دانیشتووان ناڵێن من نەخۆشم!.’ »—ئیشایا ٣٣:٢٤. (پەرتووکی پیرۆز وەرگێڕانی جیهانی نۆێ NWT)
● زەوی جارێکی تر دەبێتە ژینگەیەکی گەرم و خۆش. «چۆڵەوانی و خاکی وشک شادمان دەبن، بیابان دەگەشێتەوە و چرۆ دەکات، وەک گوڵاڵە سوورە.»— ئیشایا ٣٥:١.
ئەمانە تەنها چەند پێشبینییەکی هاندەرن لەناو پەرتووکی پیرۆزهاتووە کە لە داهاتوویەکی نزیکدا دێنە دی. داوا لە شاهیدانی یەهوە بکەن، کە نیشانتان بدەن، بۆچی دڵنیان لەوەی کە داهاتوویەکی باشتر لە پێشە؟