٥. لەناوچوونی زەوی
«[خودا] ئەوانە لەناو دەبات کە زەوی وێران دەکەن.»—ئاشکراکردن ١١:١٨.
● بەڕێز. پیرری، خەڵکی نەیجیریا، لە گوندی کاپور بازرگانێکی شەراب بوو، شەرابێک کە لە داری خورما بەدەست دەهات. بەهۆی ڕژانی نەوت لە دێڵتای نەیجەر، کارەکەی بە تەواوی لەناوچوو. ئەو دەڵێت: «ئەم کارەساتە زیانی بە پێستمان گەیاند و ماسییەکانی کوشت و ڕووبارەکانی پیس کرد» و وتی «ئێمەی بێچارە کرد و هیچ بژێوێکمان بۆ نەما.»
ڕاستییەکان چی نیشان دەدەن؟ بە گوتەی هەندێک لە شارەزایان ساڵانە شەش ملیۆن و ٥٠٠ هەزار تۆن زبڵ و خاشاک دەچێتە ناو زەریاکانی جیهانەوە. نزیکەی لەسەدا ٥٠ی ئەم زبڵە پلاستیکە، پێش ئەوەی شیببێتەوە بۆ ماوەی سەدان ساڵ کۆدەبێتەوە. مرۆڤ جگە لە پیسکردنی زەوی، تا ڕادەیەکی ترسناکیش سامانە سروشتییەکانی بەکارهێناوە. لێکۆڵینەوەکان دەریدەخەن کە زەوی پێویستی بە ساڵێک و پێنج مانگە بۆ ئەوەی ئەو سەرچاوانەی لە ماوەی ساڵێکدا بەکارهێنراون دووبارە دروستی بکاتەوە. ڕۆژنامەی سیدنی مۆرنینگ هیرالدی ئوسترالی دەنووسێت: «ئەگەر ژمارەی دانیشتوان بەو شێوەیەی ئێستا بەردەوام بێت، مرۆڤایەتی تا ساڵی ٢٠٣٥ پێویستی بە دوو زەوی دەبێت.»
ناڕەزایەتی گشتی چییە؟ مرۆڤ داهێنەرە و دەتوانێت چارەسەری گونجاو بۆ کێشەکانی بدۆزێتەوە. ئێمە دەتوانین وردە وردە ئەم کێشانە چارەسەر بکەین و زەوی لە لەناوچوون ڕزگار بکەین.
ئایا ئەو ناڕەزایەتییە دروستە؟ زۆر کەس و هەندێک گروپ زۆر هەوڵیان داوە بۆ هۆشیارکردنەوەی خەڵک سەبارەت بە دۆخی ژینگە، بەڵام مرۆڤ لە پیسکردنی زەوی لەسەر ئاستێکی بەرفراوان بەردەوامە.
ڕای ئێوە چییە؟ ئایا خودا وەک بەڵێنی داوە دەبێت هەنگاو بنێت و هەسارەکەمان لە لەناوچوون ڕزگار بکات؟
جگە لەو پێنج پێشبینییەی پەرتووکی پیرۆز کە لەبەرچاومان گرتووە، وشەی خودا پێشبینی ڕووداوە خۆشەکانیش دەکات کە لە ڕۆژانی کۆتاییدا ڕوودەدەن. با یەکێک لەو ڕووداوانە لەبەرچاو بگرین.
[نكتهٔ مهم]
«هەست دەکەم، لەبری ئەوەی کە پارچە زەوییەکم لە بەهەشتدا پێ درابێت، پارچە زەوییەکم لە زەوییەکی وێران و پیس و ژەهراویدا پێدراوە. »—ئێرین تامبەر، لە کەناری کەنداوی ئەمریکا، سەبارەت بە کاریگەرییەکانی ڕژانی نەوتی کەنداوی مەکسیک لە ساڵی ٢٠١٠.
[چوکات]
ئایا خۆدا بەرپرسیاری کارەساتەکانە؟
لەبەر ئەوەی کە پەرتووکی پیرۆز پێشبینی ئەم بارودۆخە خراپەی کردووە، کە ئەمڕۆ دەیبینین. ئایا دەبێت خودا بە بەرپرسیار بزانین؟ ئایا خودا هۆکاری ئازارەکانمانە؟ دەتوانیت بۆ ئەم پرسیارانە وەڵامی دروست و ڕەزامەندانە لە بەشی ١١ ی کتێبی ئایا پەرتووکی پیرۆز بەڕاستی چیمان فێر دەکات؟ کە بڵاوکراوەتەوە لەلایان شاهیدانی یەهوە بدۆزیتەوە.
[اعتبار تصاوير]
U.S. Coast Guard photo