Footnote

a Ang pipila ka Kristohanon nga nagtrabaho sa mga ospital kinahanglang maghatag ug pagtagad niining butang mahitungod sa awtoridad. Ang doktor mahimong may awtoridad nga moreseta ug mga tambal o mosugo ug mga pamaagi sa pagtambal sa usa ka pasyente. Bisan pag wala mosupak ang pasyente, makaako ba ang usa ka Kristohanong doktor nga may awtoridad sa pagsugo nga magpadugang ug dugo o paghimog aborsiyon, nga nasayod kon unsay giingon sa Bibliya mahitungod nianang mga butanga? Sa kasukwahi, ang usa ka nars nga nagtrabaho sa ospital mahimong walay ingon nianang awtoridad. Samtang naghimo siya sa rutina nga mga trabaho, tingali sugoon siya sa doktor sa pag-eksamin sa dugo alang sa usa ka katuyoan o pag-atiman sa usa ka pasyente nga nagpaaborsiyon. Subay sa pananglitan nga gitala sa 2 Hari 5:17-19, tingali makahinapos siya nga sanglit dili siya ang may awtoridad sa pagsugo sa pagpadugang ug dugo o paghimo sa aborsiyon, siya makahimog mga pag-alagad sa katilingban alang sa usa ka pasyente. Siyempre, kinahanglan gihapon niyang hatagag pagtagad ang iyang tanlag, aron ‘makagawi atubangan sa Diyos uban ang usa ka bug-os hinlo nga tanlag.’​—Buhat 23:1.