Pag-andam ug Makapadasig nga mga Komento

Sa mga tigom, naa tay kahigayonan nga dasigon ang mga igsoon pinaagi sa atong mga komento. (Heb. 10:​24, 25) Unsaon nato pag-andam ug mga komento nga makapalig-on gyod sa uban?

• Pag-ampo kang Jehova. Hangyoa siya nga makahatag kag komento nga makapasidungog niya ug makadasig sa uban.—Sal. 35:18.

• Paningkamoti nga makahatag kag kaugalingong mga komento imbes nga basahon lang ang giingon sa parapo. Mas madasig nimo ang uban kon ipahayag nimo ang imong pagtuo gamit ang kaugalingong mga pulong.

• Mub-a lang ang imong komento. Sagad mas makapadasig ang mubo ug simple ra nga mga komento. Pinaagi pod ani, mas daghang igsoon ang makakomento.—Prov. 10:19.

• Himoang positibo ang imong komento. Ayaw ni himoang kahigayonan aron mamadlong o manaway sa mga igsoon o sa kongregasyon.

Bisan tingalig dili ka makakomento, imo gihapong madasig ang mga igsoon kon maminaw ka pag-ayo sa ilang mga komento ug pasalamatan nimo sila.—Prov. 10:21.