ABRIL 28–MAYO 4

BAHANDI GIKAN SA PULONG SA DIYOS

1. Ayaw nag Isulti!

(10 min.)

Ayawg sulti ug bisan unsa nga makadaot sa imong isigkatawo (Pr 11:9; w02 5/15 26 ¶4)

Ayaw pagsultig bisan unsa nga makapabahinbahin (Pr 11:11; w02 5/15 27 ¶2-3)

Ayawg isulti ang kompidensiyal nga mga butang (Pr 11:12, 13; w02 5/15 27 ¶5)

Duha ka brader nga nag-estoryahanay diha sa Kingdom Hall. Ang usa ka brader nagsultig negatibo bahin sa laing brader nga nagpadulong nila.

PAMALANDONGA: Sa unsang paagi ang giingon ni Jesus sa Lucas 6:45 makatabang nato nga likayan ang makadaot nga sinultihan?

2. Espirituwal nga mga Bahandi

(10 min.)

Pr 11:17—Sa unsang paagi makabenepisyo ta kon magpakita tag kaayo? (g20.1 11, kahon)

Imong tubag
Unsang espirituwal nga mga bahandi ang imong nakat-onan sa pagbasa sa Bibliya niining semanaha?

Imong tubag

3. Pagbasa sa Bibliya

(4 min.) Pr 11:1-20 (th tun-anan 5)

MAGMAEPEKTIBO SA MINISTERYO

4. Dihang Magsugod ug Panag-estorya

(4 min.) IMPORMAL NGA PAGSANGYAW. Pangitag kahigayonan nga masultihan ang imong kaestorya bahin sa imong nakat-onan sa miaging tigom. (lmd leksiyon 2 punto 4)

5. Dihang Magbalikduaw

(4 min.) IMPORMAL NGA PAGSANGYAW. Paghisgot ug usa ka video gikan sa Teaching Toolbox. (lmd leksiyon 8 punto 3)

6. Dihang Maghimog Tinun-an

(4 min.) PUBLIKONG PAGSANGYAW. Pagtanyag ug pagtuon sa Bibliya ug ipakita kon sa unsang paagi ni ginahimo. (lmd leksiyon 10 punto 3)

KRISTOHANONG PAGKINABUHI

7. Ayawg Tugoti nga ang Imong Sinultihan Makabungkag sa Kalinaw

(15 min.) Pakighisgot.

Kay dili man ta hingpit, masipyat gyod ta sa atong sinultihan. (San 3:8) Pero kon hunahunaon nato ang dili maayong resulta sa dili maayong sinultihan, malikayan nato ang pagsultig mga pulong nga posibleng mahayan nato sa ulahi. Niay mga pananglitan sa sinultihan nga makabungkag sa kalinaw sa kongregasyon:

Pagpanghambog. Ang pagdayeg sa kaugalingon posibleng moresulta sa kasina ug pagpalabwanay.—Pr 27:2
Pagpamakak. Dili lang ni basta pagsultig dili tinuod, apil ani ang tinuyong pagpangilad. Bisan ang ginagmayng pagpamakak makawala sa pagsalig ug makadaot sa reputasyon.—Ecc 10:1
Pagpanabi. Paghisgot ni sa mga impormasyon nga dili diay tinuod o sa pribadong mga butang bahin sa uban. (1Ti 5:13) Posible ning moresultag away ug pagkabahinbahin
Sakit nga sinultihan. Kini maoy walay pagpugong nga pagpahungaw sa atong gibati sa usa nga nakapalagot nato. (Efe 4:26) Makapasakit ni sa pagbati sa uban.—Pr 29:22

Mga esena sa video nga “Isalikway ang Makabungkag sa Kalinaw—Excerpt.” 1. Si Emily ug Celia nga naglingkod diha sa café. Si Celia nagtan-aw sa gi-post ni Haley sa social media diha sa iyang cellphone. 2. Si Haley nasuko kang Celia diha sa parkinganan sa Kingdom Hall.

I-play ang VIDEO nga Isalikway ang Makabungkag sa Kalinaw—Excerpt. Dayon pangutan-a ang mamiminaw:

Unsay imong nakat-onan bahin sa kon unsa ka dali mabungkag ang kalinaw sa kongregasyon kon di ta mag-amping sa atong sinultihan?

Imong tubag

Aron makita kon sa unsang paagi nabalik ang ilang malinawong relasyon, tan-awa ang video nga ‘Tinguhaa ang Pakigdait ug Hupti Kini.’

8. Pagtuon sa Kongregasyon sa Bibliya

(30 min.) bt kap. 25 ¶14-21