“Miduaw Ko Kay . . .”

Sa dihang buksan sa tagbalay ang pultahan ug makita tang nagtindog sa gawas, tingali sila matahap kon kinsa ta ug unsay atong tuyo. Unsay atong isulti sa atong introduksiyon aron mawala ang ilang katahap? Human mangatahoran, ang ubang magmamantala mogamit sa pulong “kay” sa pagpangatarongan. Pananglitan, sila moingon: “Miduaw mi kay among namatikdan nga daghang tawo ang nabalaka bahin sa krimen. Sa imong hunahuna . . .” o “Miduaw ko kay nagtanyag kog libreng pagtuon sa Bibliya.” Kon sa sinugdan pa lang sultihan na ang tagbalay kon nganong miduaw ka, tingali mas maminaw siya kon unsay imong isulti.