Mga Pahibalo
◼ Tanyag nga literatura sa Septiyembre: Unsay Tinuod nga Gitudlo sa Bibliya? Paningkamoting makasugod ug mga pagtuon sa Bibliya sa unang duaw. Kon aduna na niining libroha ang mga tagbalay, ipakita kon sa unsang paagi mapahimuslan nila kini pinaagi sa pagpasundayag ug mubong pagtuon sa Bibliya. Oktubre: Ang Bantayanang Torre ug Pagmata! Kon interesado, ipakita ug hisgoti ang tract nga Gusto Ka Bang Makabaton ug Dugang Kahibalo Bahin sa Bibliya? uban ang tumong nga makasugod ug pagtuon sa Bibliya. Nobyembre: Pagkakat-on Gikan sa Dakong Magtutudlo. Kon ang tagbalay moingon nga wala silay mga anak, itanyag ang brosyur nga Padayon sa Pagbantay! Disyembre: Mahimong itanyag ang bisan hain sa mosunod nga mga libro: Ang Labing Bantogang Tawo nga Nabuhi Sukad, Pakigsuod Kang Jehova, o Ang Sekreto sa Kalipay sa Pamilya.
◼ Ang nagadumalang magtatan-aw o ang usa nga iyang gitudlo kinahanglang mag-awdit sa kuwenta sa kongregasyon alang sa mga bulan sa Hunyo, Hulyo, ug Agosto. Kon mahimo na kini, kinahanglang ipahibalo kini sa kongregasyon sa sunod nga taho sa kuwenta.—Tan-awa ang Instructions for Congregation Accounting (S-27).
◼ Ang video nga Jehovah’s Witnesses—Organized to Share the Good News hisgotan sa Tigom sa Pag-alagad sa Disyembre. Kon gikinahanglan, mahimo kining orderon pinaagi sa kongregasyon sa labing sayong maarangan.
◼ Ang mga ansiyano gipahinumdoman sa pagsunod sa mga instruksiyon nga gihatag diha sa panid 21-3 sa Abril 15, 1991, nga Bantayanang Torre, mahitungod kang bisan kinsa nga napalagpot o nadis-asosyet nga tingali gusto nang mapasig-uli.
◼ Pahinumdom sa Tanang Ansiyano: Diha sa “Pangutana” sa panid 7 sa Nobyembre 2005 nga Atong Ministeryo sa Gingharian, gihisgotan didto nga kinahanglang aprobahan sa kongregasyon ang usa ka resolusyon aron mahulipan ang nagasto sa magtatan-aw sa sirkito panahon sa iyang duaw. Giusab na kini karon. Dili na kinahanglang mohimo pag resolusyon alang niini nga katuyoan. Ang bisan unsang nagasto sa magtatan-aw sa sirkito panahon sa iyang duaw nga gikauyonang hulipan sa mga ansiyano mahimong isipon nga usa ka naandang galastohan ug mahimo kining bayran gikan sa pondo sa kongregasyon nga dili na mistil himoan pag resolusyon.