Repaso sa Teokratikanhong Tunghaan sa Ministeryo

Ang mosunod nga mga pangutana pagatagdon nga binaba panahon sa Teokratikanhong Tunghaan sa Ministeryo sa semana nga magsugod sa Disyembre 27, 2004. Dumalahon sa magtatan-aw sa tunghaan ang 30-minutos nga repaso pinasukad sa materyal nga gikobrehan diha sa mga asaynment alang sa mga semana sa Nobyembre 1 hangtod sa Disyembre 27, 2004. [Matikdi: Kon walay mga reperensiya human sa pangutana, kinahanglang mohimo kag kinaugalingong panukiduki aron makaplagan ang mga tubag.​—Tan-awa ang Tunghaan sa Ministeryo, pp. 36-7.]

MGA HIYAS SA PAGPANULTI

1. Unsa ang usa sa labing maayong paagi sa pagpukaw sa interes sa mamiminaw labot sa usa ka ulohan? [be p. 218 par. 3]

2. Paglista ug lima ka ilhanan sa usa ka epektibong konklusyon. [be p. 220 par. 4–​p. 221 par. 4]

3. Sa unsang paagi atong maseguro nga tukma ang atong gipanulti? [be p. 224 kahon]

4. Sa unsang paagi atong maseguro nga ang atong mga presentasyon panahon sa mga tigom magsumbalik-silaw ug dakong pagtahod sa papel sa kongregasyon isip “usa ka haligi ug tukod sa kamatuoran”? (1 Tim. 3:15) [be p. 224 mga par. 1-4]

5. Mahitungod sa bag-ong mga panghitabo, mga pangutlo, ug mga eksperyensiya, sa unsang paagi atong ikapadapat ang Proverbio 14:15? [be p. 225 par. 1]

ASAYNMENT NUM. 1

6. Sa unsang paagi makalkulo ang panahon gikan sa Lunop balik ngadto sa paglalang kang Adan? [si p. 286 par. 12]

7. Sa unsang paagi matino ang petsa sa pagsugod sa ministeryo ni Jesus, ug unsay basehanan sa pagtuo nga kini milungtad lamang ug tulo ka tuig ug tunga? [si p. 291 par. 16]

8. (a) Kanus-a gipagula ang “sugo sa pagpasig-uli ug sa pagtukod pag-usab sa Jerusalem”? (b) Pila ka tuig ang milabay sukad nianang panahona hangtod mitungha si Jesus ingong ang Mesiyas? (Dan. 9:24-27) [si p. 291 mga par. 18-19]

9. Unsay nalakip sa sinserong pagpangayog pasaylo nga moresulta sa ‘pagpakigdait sa atong igsoon’? (Mat. 5:​23, 24) [w02 11/1 p. 6 mga par. 1, 5]

10. Unsay gitudlo kanato sa 2 Hari 13:​18, 19 bahin sa pagtuman sa mga buluhaton nga gipabuhat sa Diyos kanato? [w02 12/1 p. 31 mga par. 1-2]

SENEMANANG PAGBASA SA BIBLIYA

11. Nganong ang mga Israelinhon makahatag man ngadto sa usa ka langyaw nga pumoluyo o makabaligya ngadto sa usa ka langyaw ug patayng mananap nga wala mapaagasi ug dugo nga sila mismo dili man mokaon? (Deut. 14:21)

12. Unsang leksiyon ang gihatag kanato sa Deuteronomio 20:5-7?

13. Nganong ang pagsakmit sa “galingang demano o sa ibabaw nga batong pangligis niini ingong garantiya” gipakasama man sa pagsakmit sa usa ka “kalag”? (Deut. 24:6)

14. Sanglit ang mga Israelinhon gidid-an sa pagkaon sa bisan unsang tambok, unsay kahulogan sa ilang pagkaon sa “tambok sa laking mga karnero”? (Deut. 32:​13, 14)

15. Unsa ang modernong-adlaw nga katumbas sa makasasalang dalan ni Acan? (Jos. 7:1-26) [w86 12/15 p. 20 par. 20]