Pagpamatuod​—To the Ends of the Earth

Kinsa ang lagmit sublisubling motan-aw sa video nga To the Ends of the Earth? Kadtong adunay tumong nga mahimong mga misyonaryo. Ngano man? Aron ilang masinati ang Watchtower Bible School of Gilead. Ang video nagtimaan sa ika-50 nga anibersaryo niining talagsaong eskuylahan, nga gimugna aron mapasangkad ang pagsangyaw nga buluhaton ngadto sa “tanang kinatumyan sa yuta.” (Sal. 22:27) Pinaagi sa pagtan-aw niini motubo ang imong pagpabili sa labing mahinungdanong buluhaton sa pagsangyaw sa maayong balita ug magdasig kanimo sa napauswag nga kalihokan. Hunahunaa kini: (1) Sayo sa katuigan sa 1940, unsa ang nahimong pangunang kabalaka sa organisasyon ni Jehova? (Buh. 1:8) (2) Sa 1942, unsang makapakurat nga tagna sa Bibliya ang nagakatuman, ug sa unsang paagi ang atong pagtagad lahi gikan nianang iya sa kalibotan sa katibuk-an? (Pin. 17:8; w89 4/15 p. 14 par. 12) (3) Unsang mga plano ang gihimo aron pahimuslan ang gidahom nga yugto sa kalinaw human sa Gubat sa Kalibotan II? (jv p. 522 par. 1-2) (4) Unsang mga hiyas sa mga estudyante sa unang klase sa Tunghaan sa Gilead ang imong madayeg? (5) Sa unang 50 ka tuig sa Gilead, pila na ka estudyante ang migraduwar, ug ngadto sa pila ka nasod nga sila gipadala? (6) Unsa ka dakong edukasyon sa Bibliya ang makuha gayod sa mga estudyante? (7) Unsay makapahimo sa usa ka maayong misyonaryo ug magtutudlo sa Pulong sa Diyos? (8) Sama sa unsa ang kinabuhi sa usa ka misyonaryo, ug unsang mga kalisdanan ang kinahanglang atubangon? (9) Unsay pagbati sa mga misyonaryo bahin sa ilang paagi sa kinabuhi, ug unsang linaing mga kalipay ang moresulta tungod sa ilang nagasakripisyo-sa-kaugalingon nga dalan? (10) Unsa na ang nalampos sa libolibo ka misyonaryo? Paghatag ug mga pananglitan. (11) Unsay imong mga impresyon sa mga igsoong lalaki ug babaye nga nagsangyaw ngadto sa “kinatumyan sa yuta”? (11)Ang panig-ingnan nga gihatag sa mga misyonaryo nagdasig kanimo sa pagbuhat sa unsa, ug ngano?