Mga Pahibalo

◼ Tanyag nga literatura sa Marso: Kahibalo nga Motultol sa Kinabuhing Walay Kataposan. Ang linaing paningkamot himoon sa pagsugod ug mga pagtuon sa Bibliya sa balay. Abril ug Mayo: Indibiduwal nga mga kopya sa Ang Bantayanang Torre ug Pagmata! Pakuhaa ug brosyur nga Gikinahanglan ang interesadong mga tawo, ug panlimbasogi sa pagsugod ug mga pagtuon sa Bibliya sa balay. Hunyo: Itanyag ang brosyur nga Gikinahanglan nga anaa sa hunahuna ang pagsugod ug mga pagtuon sa Bibliya sa balay. MATIKDI: Ang mga kongregasyon nga wala pa makahangyo sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Request Form (S-AB-14).

◼ Ang nagadumalang magtatan-aw o ang usa nga iyang gitudlo kinahanglang mag-awdit sa mga kuwenta sa kongregasyon sa Marso 1 o dili madugay human niana. Sa dihang kini mahimo na, ipahibalo sa kongregasyon human nga mabasa ang sunod nga taho sa kuwenta.

◼ Sugod sa Abril, ang mga magtatan-aw sa sirkito mohatag sa pakigpulong publiko nga nag-ulohang “Si Jehova ‘Usa ka Hataas nga Dapit sa Kasegurohan’ Alang sa Iyang Katawhan” sa dihang magaduaw sa mga kongregasyon.

◼ Ang mga magmamantala nga buot mag-alagad ingong mga oksilyare payunir sa Abril ug Mayo angayng maghimo sa ilang mga plano karon ug itunol ang ilang aplikasyon nga sayo. Makatabang kini sa mga ansiyano sa paghimog kinahanglanong mga kahikayan sa pag-alagad sa kanataran ug pagbaton ug igong mga magasin ug ubang mabatonang literatura.

◼ Kining gulaa sa Atong Ministeryo sa Gingharian nasudlan sa kompletong eskedyul sa pagtuon alang sa librong Patalinghogi ang Tagna ni Daniel! Mahimong kopyahon nimo kini ug isukip kini sa imong personal nga kopya sa libro alang sa daling reperensiya.

◼ Ang Memoryal himoon sa Miyerkoles, Abril 19, 2000. Kon ang inyong kongregasyon sa naandan adunay mga tigom sa Miyerkoles, kini ibalhin ngadto sa laing adlaw sa semana.