Mga Pahibalo
◼ Tanyag nga literatura sa Abril ug Mayo: Usa ka tuig nga suskrisyon sa Ang Bantayanang Torre sa ₱120.00. Pakuhaa ang interesadong mga tawo sa Gikinahanglan nga brosyur, ug panlimbasogi ang pagsugod ug mga pagtuon sa Bibliya sa balay. Hunyo: Ang librong Kahibalo sa ₱25.00. Hulyo ug Agosto: Bisan hain sa mga brosyur sa ₱7.50. MATIKDI: Ang mga kongregasyon nga wala pa makaorder sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).
◼ Ang mga order mahimo nang ipadala karon sa opisina alang sa 1998 nga tinahing mga tomo sa Watchtower ug Awake! Ang bili sa mga tomo maoy ₱150.00 ug walay pioneer rate. Sa dihang kini nga mga order madawat makita kini sa invoice nga namarkahang “back ordered.” Walay ikarga sa kuwenta nianang panahona. Sa dihang ang mga tomo madawat gikan sa Brooklyn ipadala kini kaninyo ug nianang panahona ikarga na sa inyong kuwenta.
◼ Aduna pa kitay daghang suplay sa 1997 Watchtower ug Awake! nga mga tomo sa sangang buhatan. Tingali ang mga kongregasyon buot mag-order ug pipila niini alang sa ilang mga librarya sa Kingdom Hall dungan sa ilang pag-order sa 1998 nga mga tomong gihisgotan sa ibabaw.
◼ Sanglit ang Mayo adunay lima ka Sabado ug lima ka Dominggo, tingali kombenyente kini nga panahon alang sa daghan nga mag-oksilyare payunir. Kadtong makahimo kinahanglang motunol sa ilang mga aplikasyon nga sayo pa. Kadtong maaprobahan kinahanglang ipahibalo sa kongregasyon.
◼ Sa dihang magkobre sa hilit nga mga dapit sa inyong teritoryo sulod sa mga bulang ting-init, labing maayo nga itanyag ang Kahibalo nga libro o ang Gikinahanglan nga brosyur. Ang tanan kinahanglang magdala ug lainlaing mga tract alang niadtong wala sa balay o alang sa mga indibiduwal nga dili modawat sa literatura. Ang mga paningkamot kinahanglang himoon sa pagsundal sa interes nga nakaplagan human niana.
◼ Gikinahanglan alang sa Sosyedad nga padayong mahuptan ang kinabag-ohang rekord sa mga adres ug mga numero sa telepono sa tanang nagadumalang magtatan-aw ug mga sekretaryo. Kon adunay kausaban sa bisan unsang panahon, ang sekretaryo kinahanglang magkompleto ug magpadala sa pormang Presiding Overseer/Secretary Change of Address (S-29) ngadto sa Sosyedad sa walay langan.
◼ Ang mga sekretaryo sa kongregasyon kinahanglang kanunayng maghupot ug igo-igong suplay sa mosunod nga mga porma sa payunir: Application for Regular Pioneer Service (S-205), Application for Auxiliary Pioneer Service (S-205b), ug Notification for Discontinuing Regular Pioneer Service (S-206). Kini kinahanglang orderon diha sa Special Order Blank for Forms nga ipadala ngadto sa tanang kongregasyon duyog sa kuwentada sa kuwenta sa Abril. Pagtipig ug labing menos usa ka tuig nga suplay. Sublia ang porma sa aplikasyon sa regular payunir aron sa pagseguro nga kana kompleto. Kon ang mga aplikante dili na makahinumdom sa eksaktong petsa sa ilang bawtismo, kinahanglang banabanaon ang petsa ug maghupot ug rekord niini.