Usa ka Okasyon nga Dili Nimo Angayng Sayloan

“Ang matag maayong gasa ug matag hingpit nga regalo” nagagikan sa Diyos, ang atong langitnong Amahan.—Santiago 1:17.

ANG kinadak-ang gasa nga gihatag sa Diyos ngadto sa makasasala ug dili-hingpit nga katawhan mao ang tagana alang sa ilang kaluwasan pinaagi sa iyang bugtong Anak, si Jesu-Kristo. Ang kamatayon ni Jesus, ang atong Manunubos, nagpaposible sa kinabuhing walay kataposan diha sa usa ka paraisong yuta. Diha sa Lucas 22:19, kita gisugo sa paghandom sa iyang kamatayon.

Ang mga Saksi ni Jehova mainitong nagdapit kanimo sa pagduyog kanila sa pagtuman sa sugo ni Jesus. Kining tinuig nga pagsaulog pagahimoon human sa pagsalop sa adlaw sa petsa nga motakdo sa Nisan 14 sa lunar nga kalendaryo sa Bibliya—Dominggo, Abril 8, 2001. Timan-i kining petsaha aron dili ka malimot niini. Ang mga Saksi ni Jehova sa imong dapit makasulti nimo sa eksaktong tigomanan ug sa oras.