Usa ka Adlaw nga Pagahandomon

Sa gabii una siya namatay, gipasa ni Jesus ang tinapay nga walay lebadura ug ang kopa sa bino ngadto sa iyang mga apostoles ug gisugo sila sa pagkaon ug pag-inom. Gisultihan usab niya sila: “Padayong buhata kini sa paghandom kanako.”​—Lucas 22:19.

Niining tuiga ang anibersaryo niini nga okasyon matunong sa Huwebes, Abril 1, human sa pagsalop sa adlaw. Ang mga Saksi ni Jehova sa tibuok kalibotan magtigom niining espesyal nga gabii aron saulogon kining Memoryal sa paagi nga gisugo ni Jesus. Ikaw mainiton kaayong gidapit sa pagduyog kanamo. Palihog pangutan-a ang mga Saksi ni Jehova sa imong dapit alang sa tinong oras ug lugar niining espesyal nga tigom.