Mawad-an ba Kita ug mga Esena nga Sama Niini?

BISAN ASA kita moadto niining mga adlawa, atong makita ang mga hulagway sa kakuyaw, panag-away, ug gubat. Apan dili katuyoan niining magasina nga dugangan ang tanang daotang balita nga imo nang nasayran. Hinunoa, kining espesyal nga isyu magpailaila nganha kanimo sa labing menos duha ka makapahupayng kamatuoran. Una, ang karaang mga propesiya sa Bibliya aktuwal nga nagtagna sa daghang makapakugang nga daotang balita sa atong panahon; ikaduha, kining samang basahon sa propesiya nagtagna sa adlaw nga ang maong mga esena sama sa gihulagway dinhi mahimo unyang mga butang sa nangagi. Wala nay mga gubat. Wala nay mga pagpamomba, mga esnayper, mga mina sa yuta, o terorismo. Wala nay nagbangotan nga mga ilo o walay-balay nga mga kagiw. Usa ka kalibotan sa lunsay, makapahupay-sa-kasingkasing nga pakigdait. Gusto ka bang makakita sa maong panahon? Kami nag-awhag kanimo sa pagtagad kon unsay ginaingon sa Bibliya. Makakaplag ka diha niini ug dugang kahupayan kay sa imong nahunahunang posible sukad.