Nagmando ba ang Diyos sa Kalibotan?

DOMINGGO sa buntag. Mibangon ang daghang tawo sa katre, nag-ilis, namahaw, ug nagdalidali sa pag-adto sa simbahan. Didto namati sila sa sermon kon sa unsang paagi kinalabwan ang pagmando sa Diyos sa tibuok yuta, nga dili-hitupngan ang gahom. Sila gisultihan nga siya may dakong kahingawa sa mga tawo. Gihisgotan usab si Jesu-Kristo. Sila hayan nakadungog nga siya mao ang Hari sa mga hari nga kaniya ang tagsatagsa ka tuhod managluhod sa pagsugot.

Sa pag-abot sa balay gikan sa simbahan, gibuksan niining mga tawhana ang telebisyon ug mitan-aw sa mga balita. Karon nakadungog sila bahin sa kagutom, krimen, pag-abuso sa droga, kakabos. Ug nakita nila ang makahihilap nga mga talan-awon sa sakit ug kamatayon.

Ang maong mga indibiduwal hayan misugod sa pagkahibulong bahin sa mga butang nga ilang nadungog sa simbahan ug ilabina bahin sa mga butang nga wala gayod ipatin-aw didto. Kon ang Diyos mahigugmaon ug gamhanan-sa-tanan, nganong nagakahitabo ang makalilisang nga mga butang? Ug unsay ikasulti bahin kang Jesu-Kristo? Tataw, adunay daghang tuhod nga wala moluhod sa pagsugot kaniya.

[Hulagway sa panid 3]

Kon nagmando ang Diyos sa kalibotan, nganong adunay ingon niana nga pag-antos ug kagubot?

[Picture Credit Line sa panid 2]

Cover: NASA photo