Ikaw Tim-os nga Gidapit

Ang kamatayon sa tawong si Jesu-Kristo kapin sa 1,900 ka tuig kanhi mao ang labing hinungdanong hitabo sa tawhanong kasaysayan. Kini nagbukas kanatong tanan sa paglaom nga makabaton ug kinabuhing walay kataposan sa usa ka paraisong yuta. Panahon sa usa ka yanong seremonyas, gigamit ni jesus ang walay-lebadurang tinapay ug bino ingong mga simbolo sa iyang mahigugmaon tawhanong halad. Dayon iyang giingnan ang iyang mga tinun-an: “Padayong buhata kini sa paghandom kanako.” (Lucas 22:19) Handomon ba nimo kining hinungdanong hitabo? Ang mga Saksi ni Jehova mainitong nagadapit kanimo sa pagduyog kanila sa pagsaulog niining memoryal nga selebrasyon. Kini pagahimoon human sa pagsalop sa adlaw sa petsa nga motakdo sa nisan 14 sa lunar nga kalendaryo sa Bibliya. Ikaw makatambong sa Kingdom Hall nga labing duol sa imong balay. Pakigsusi sa mga Saksi ni Jehova sa inyong lugar sa tukmang oras ug dapit. Ang petsa sa kasaulogan sa 1995 maoy Biyernes, Abril 14.