Gamay Apan Gamhanan

SI Robert, usa ka batan-ong lalaki nga taga-Canada, mipanaw latas sa Uropa sa pagpangitag katuyoan sa iyang kinabuhi. Daghan siyag nakita nga nagpabati kaniyang walay mahimo bahin sa umaabot.

Samtang naglingkod diha sa usa ka restawran sa Seville, Espanya, gitunolan si Robert ug usa ka tract nga gipatik sa mga Saksi ni Jehova. Sa sinugdan, si Robert nagduhaduha. “Bisan pa niana, gibasa ko kini,” matud niya. “Dili ako makabatbat niini, apan sa kalit gibati ko nga daw kini may kamatuoran. Sa akong mga pagpanaw, nakita ko ang daghang matang sa tawhanong kagul-anan ug kalumpagan, ug ako nawad-ag kadasig sa akong kawalay mahimo sa pag-usab sa mga butang. Human mabasa ang tract, ako nahibulong, ‘Kining “bag-ong kalibotan” posible bang maglungtad?’ Dayon, ako naghunahuna, ‘Oo, tingali posible kana.’”

Uban sa nabag-ong paglaom, misulat si Robert sa sangang buhatan sa mga Saksi ni Jehova sa Canada, nga naghangyo nga adunay moduaw kaniya inig-uli niya sa balay ug tabangan siya nga makasabot sa Bibliya.

Walay duhaduha, ang nabungat nga mga pulong gamhanan. Apan, ayaw pakamenosa ang gahom sa pinatik nga mensahe. Bisag gamay, ang mga publikasyon nga gipasukad-sa-Bibliya may kusganong pangdani. Kini makatandog sa hunahuna ug kasingkasing, nga nagahatag ug seguradong paglaom alang sa umaabot.​—Hebreohanon 4:12.