Gipahayag nga mga Hunahuna Dapig sa Pagtuo

SA DIHANG natapos ang miaging siglo, ang mga hunahuna nga nagpaluyo sa siyensiya, pilosopiya, ug sekularismo nakadaot sa pagtuo diha sa Diyos ug sa pagkadinasig sa Bibliya.

Apan dili kay mao ra kini ang mga hunahuna nga gipahayag. Daghang tigdukiduki nakasabot nga daghan ang ikasulti sa pagpaluyo sa pagtuo sa Diyos inay sa ateyismo. Ang ilang mga pagtuon nagpadayag usab ug dagayang pamatuod nga ang Bibliya maoy dinasig nga Pulong sa Diyos.

Usa ka iladong tawo nga nagpahayag sa iyang hunahuna mahitungod niining butanga mao si C. T. Russell. Minilyon ang nakabasa sa iyang 1886 nga tomo nga The Divine Plan of the Ages. Usa ka kusganong kapitulo niana mao ang “Napamatud-an ang Paglungtad sa Usa ka Supremong Intelihenteng Maglalalang.”

Sa misunod nga mga dekada, si Russell misulat ug mga artikulo, mga tract, ug mga libro nga nagtagana ug lig-ong mga katarongan sa pagtuo diha sa Diyos ug sa Bibliya. Kini gipatik sa Watch Tower Bible and Tract Society. Ang ikaduhang presidente niini, si J. F. Rutherford, misulat sa Creation (1927) ug sa ubang mga sinulat nga dugang nagpaluyo sa mga hunahuna nga gipahayag dapig sa pagtuo.

Ang maong Sosyedad di pa dugay nag-andam ug nunot-sa-panahon nga impormasyon mahitungod niining mga butanga. Ang mga Saksi ni Jehova makatagana niana aron palandongon nimo.

Kon buot nimo ang dugang impormasyon o buot nimong may moduaw kanimo sa pagdumala ug libreng pagtuon sa Bibliya sa balay uban nimo, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga nalista sa panid 2.