‘Kaniadto Sila Mokatawa’

Usa ka lalaki nga nagaalagad sa militar sa Hungaria nag-ingon nga dili pa dugay kaniadto ang mga tawo kanunay mokatawa kanila nga nagasulti mahitungod sa Bibliya. Apan ang mga panahon nausab. Ang sundalo karong bag-o misulat sa opisina sa Watch Tower Society sa Budapest, nga nag-ingon:

“Sa miaging mga pila ka adlaw, ako nakabasa sa inyong publikasyong Ikaw Mabuhing Walay Kataposan sa Paraiso sa Yuta. May usa nga nagpahulam kanako niini hangtod nahuman nako ug basa. Kon unsa ang nahasulat sa maong libro nakatandog kanako ug hilabihan ug nakapahinuktok kanako.” Ang sundalo gusto ug usa ka Bibliya ug dugang impormasyon. Ang samang mga pagsanong dili na katingad-anan sa Sidlakang Uropa.

Laing sulat nga nadawat sa opisina sa Budapest ang nagaingon: “Ako nakabasa sa librong Ikaw Mabuhing Walay Kataposan sa Paraiso sa Yuta. Ang libro dulot nakapatandog kanako, ug ako nagasulat kaninyo sa paghangyo kaninyo nga usa ka Saksi mobisita sa akong balay aron makabaton ako ug usa ka regular nga pagtuon sa Bibliya.”

Ang Ikaw Mabuhing Walay Kataposan sa Paraiso sa Yuta maoy usa ka libro nga nagahatag ug paglaom pinaagi sa pagtultol kanimo ngadto sa mga tubag sa Bibliya. Kini nahimong usa ka positibong impluwensiya sa pagbag-o sa daghang mga kinabuhi. Kon buot nimong makabaton ug impormasyon kon unsaon pagkabatog kopya, palihog sulati ug ibuson ang nagaubang kupon.

Buot kong mahibalo kon unsaon nako pagkadawat sa 256-panid gahig-hapin nga librong Ikaw Mabuhing Walay Kataposan sa Paraiso sa Yuta. (Pagsulat sa direksiyon sa ubos alang sa impormasyon. Gawas sa Pilipinas, pagsulat sa lokal nga sangang buhatan sa Watch Tower alang sa impormasyon. Tan-awa ang panid 2.)

[Hulagway sa panid 32]

Uban sa maayong katarongan, ang usa ka ginikanan motugot nga ang usa ka hinigugmang anak mapailalom sa usa ka masakit nga operasyon. Ang Diyos usab may maayong katarongan alang sa temporaryong pagtugot sa pag-antos sa katawhan