Unsa ka Hinungdanon ang Panagway?

“Ako naglagot sa akong panagway,” misulat ang usa ka batan-on nga taga-Beaver Falls, Pennsylvania, U.S.A. “Gibati ko nga ako maot ug dili madanihon.” Siya mipatin-aw: “Ako halos dili mokaon sa pila ka adlaw, ug ako mawad-an ug duha ka libra, apan ako gutomon kaayo tungod sa dili pagkaon nga ako mokaog daghan kaayo sa sunod adlaw ug makabawi sa timbang.”

Sa ulahi, sa usa ka Kristohanong kombensiyon, siya miingon: “Ako nangespeho ug miingon ngadto sa usa ka higala, ‘Ngil-ad kaayo ang akong panagway!’

“Kining minahal kaayong higala nangutana kanako kon nakabasa ba ako sa seksiyong ‘Paglantaw sa Imong Dagway’ diha sa librong Mga Pangutanang Gisukna sa mga Batan-on​—Mga Tubag nga Mosaler. Giingnan ko siya nga wala. Miingon siya kanako, ‘Inday, kinahanglang mopauli ka karong gabii ug basahon kana.’ Ug kana ang gibuhat ko.

“Gibati ko nga ako nagbasa sa estorya sa akong kinabuhi. Dayon nakaabot ako sa usa ka pangutana nga nakapahunahuna kanako, ‘Kinsa ba ang nagapasiugda sa ideya nga kinahanglan nimo ang usa ka tinong dagway aron ikaw mapopular, magmalamposon, o magmalipayon?’”

Ang tubag sa pangutana, ang maong batan-on miingon, nakahimog dako kaayong kausaban sa iyang kinabuhi. Siya mitapos: “Pinaagi sa makatabang nga mga sugyot diha sa librong Mga Pangutana sa mga Batan-on, nasabtan ko ang panginahanglan nga tul-iron ang akong mga palabihong butang.”

Ang mga batan-on daghag kapit-osan karong adlawa. Kinahanglan nila ang tabang sa pagsagubang niana nga malamposon. Ang Mga Pangutanang Gisukna sa mga Batan-on​—Mga Tubag nga Mosaler nagatagana sa maong tabang. Alang sa impormasyon kon unsaon sa pagdawat ug kopya niining maanindot-ug-mga-ilustrasyong basahon, pel-api ug ipadala ang kupon.

Buot nakong madawat ang 320-panid gahig-haping basahong Mga Pangutanang Gisukna sa mga Batan-on​—Mga Tubag nga Mosaler. (Pagsulat sa direksiyon sa ubos alang sa impormasyon. Sa gawas sa Pilipinas, pagsulat sa sangang-buhatan sa Watch Tower alang sa impormasyon. Tan-awa ang panid 2.)