Mga Estorya sa Bibliya nga Makalingaw sa mga Bata

Usa ka membro sa usa ka Protestante nga kongregasyon sa Puerto Rico misulat sa Watch Tower Society: “Ako usa ka magtutudlo sa mga bata sa usa ka tunghaan sa Bibliya. Sa miaging tuig, ang mosunod nahitabo kanako.

“Ang mga libro nga akong gigamit sa pagtudlo sa mga bata sa kasaysayan sa Bibliya natapos na, busa ako nangutana sa akong kaugalingon: ‘Unsa’y akong himoon karon?’ Sa gilantaw ko ang estante sa akong kuwarto nga ako may duolag usa ka gatos ka mga libro, akong nakita ang usa nga dalag ug kolor nga nag-ulohang Akong Basahon sa mga Estorya sa Bibliya. Ako midesider sa paggamit niini nga libro.

“Gipaphaan ko ug abog ug misugod sa paggamit niini sa matag Dominggo sa akong pagtudlo. Ang mga bata nalipay sa libro, ug dili pa namo halos mahurot ang usa ka kapitulo nga sila gusto na usab nga magsugod sa lain. Ang resulta: Natapos ang tuig, ug among nakobrehan ang tibuok nga libro. Ang mga bata nalipay kaayo ug ako mapasalamaton gayod. Kini matahom gayod nga libro, tin-aw ug tukma.”

Gibati namo nga kamo usab magpabili niining matahom nga pagkailustrar, dagkog-letrang publikasyon. Ang 116 ka mga estorya sa Bibliya niini maghatag sa magbabasa ug ideya kon unsa ang Bibliya sa katibuk-an. Kining maong mga estorya mitungha nga sunodsunod segun sa mga nanghitabo. Imong makita kini nga tinuod makatabang sa pagkakat-on kon kanus-a, maylabot sa ubang mga hitabo, nahitabo ang mga butang. Kon buot mong masayod kon sa unsang paagi makadawat niining bililhon nga 256-panid nga libro, palihog sulati ug ipadala ang nag-ubang kupon.

Buot ko nga makadawat sa gahig-hapin nga libro Akong Basahon sa mga Estorya sa Bibliya. (Pagsulat sa direksiyon sa ubos alang sa impormasyon. Gawas sa Pilipinas pagsulat sa lokal nga sangang buhatan sa Watch Tower alang sa impormasyon. Tan-awa ang panid 2.)