“Musika nga Makaayo”

Usa ka babaye nga gikan sa Espanya misulat sa sangang buhatan sa Watch Tower Society sa Alemanya: “Mapasalamaton kaayo ako nga sa yano nagsulat ako sa pagsulti kaninyo bahin niana.” Nganong mapasalamaton man siya?

“Nagpuyo ako sa Espanya hapit nuybe ka tuig,” siya miingon, “ug sa usa ka tuig ug tunga nga milabay, duha ka batan-on misugod sa pagtuon sa Bibliya uban kanako. Kay nakabasa sa usa ka artikulo sa Ang Bantayanang Torre bahin sa musika nga makaayo, akong gihangyo sila sa pagkuhag mga cassette alang kanako.

“Sa milabay ang panahon, nagmagul-anon ug gibatig kasakit, akong gipatokar ang musika. Pagkadako nga kalainan! Sa mubo nga panahon lamang, ang emosyonal nga kasakit nawala, ug ang akong disposisyon miuswag ug dako. Pagkadako sa akong kalipay nga nakabaton niadtong mga cassette sa musika! Sukad niadto, kanunay akong mamati kanila sa mga gabii nga dili ako makatulog. Kini sa pagkatinuod maoy usa ka musika nga makaayo.”

Daghan ang miapresyar sa album Sing Praises to Jehovah, nga adunay walo ka cassette nga honi sa piano. Kon ikaw interesado sa pagbaton niining maong album, pagsulat ug ibuson ang nagaubang kupon.

Kini maoy bahin sa tibuok-kalibotang edukasyonal nga buluhaton sa Bibliya nga gisuportahan sa buluntaryong mga amot.

Gusto kong makadawat sa album Sing Praises to Jehovah uban sa walo ka cassette nga teyp sa musika. (Gawas sa Pilipinas, pagsulat sa lokal nga sangang buhatan sa Watch Tower alang sa impormasyon. Tan-awa ang panid 2.)