‘Mas Malipayon na Karon’

Mao kanay komento sa usa ka babaye nga nagpadapat sa tambag nga gihatag sa librong Paghimo sa Imong Pamilyahanong Kinabuhi nga Malipayon. Siya nagkaproblema sa kaminyoon ug misugod sa paghisgot niini uban sa babaye kinsa naglimpiyo sa iyang balay. Ang babayeng tighinlo misulat:

“Ang tanang tambag nga gihatag nako niya gikan sa maong libro. Sa kataposan gisultihan nako siya nga ako dunay libro nga basin ug maikag siya. Akong gisaysay kon sa unsang paagi kini nakatabang nako ug kini dunay makataronganong tambag gikan sa Bibliya. Sa pila ka adlaw nga milabay, nakigsulti ako niya sa telepono ug gisultihan niya ako nga siya ug ang iyang bana nakabasa niana ug mihukom sa pagtratar sa usag usa nga labi pang maayo.

“Karong gabhiona gitawag niya ako pag-usab, lakip sa ubang mga butang, nga mas malipayon na karon ang ilang kinabuhi. Ilang dungang nabasa ang libro, gituki kini diha sa Bibliya, ug gipadapat ang mga prinsipyo diha niana.”

Kon gusto kag tabang sa paghimo sa imong kaminyoon nga malipayon, ikaw makabatog kaayohan ning libroha. Dawata ang kopya pinaagi sa pagbuson ug sa pagsulat sa nagaubang kupon.

Palihog ipadala, binayran na ang prangkiyo, ang gahig-hapin, 192-panid nga librong Paghimo sa Imong Pamilyahanong Kinabuhi nga Malipayon. Gisukip ko ang ₱14.