Kon Diin Gikan ang Yawa

“Ang akong trabaho mao ang pagpalingkod sa mga bata diha sa ilang mga lingkorang may bakos ug ang pagpahilom kanila,” mipatin-aw ang usa ka batan-ong babaye nga nagtrabahong inoras ingong school-bus monitor sa South Dakota. Siya misugid:

“Usa sa mga batang lalaki naghatag kanakog kalisdanan. Abi ninyo, sayes anyos lang siya, apan ang iyang baba makapanlipaghong usahay sa usa ka marinero. Kinahanglang lawasnon ko siyang palingkoron sa iyang lingkoran ug molingkod ako nga isampong ang akong kamot sa iyang baba aron mohilom siya. Siya mamatid, mangawras, mangusi, mamalikas, ug mosinggit. Sa usa ka daotang adlaw, kinahanglang dat-ogan ko siya aron mopabilin siya sa iyang lingkoran.

“Ang Biyernes dili maayong adlaw, ug sa maong panahon ako naminhod gikan sa abaga paubos, siya nangutana: ‘Nganong ang Diyos nagbuhat ug Yawa?’ Dihay kopya sa Akong Basahon sa mga Estorya sa Bibliya sa bus. Giingnan ko siya nga kining libroha makatabang kaniya sa pagsabot kon diin gikan ang Yawa. Makatuo ka ba nga among nabasang duha ang 41 ka estorya? Hapit na akong mosurender nianang bataa, apan nausab ang iyang tinamdan sa punto nga dili na niya buot mobiya sa bus sa dihang nakaabot kami sa eskuylahan. Buot niyang mabasa ang dugang estorya!”

Ang pagtuon niining talagsaong basahon nakapatunghag susamang mga resulta sa daghang ubang batan-on. Makadawat ka sa usa ka kopya niining nindot ug ilustrasyon, dagkog-letra, 256-panid nga basahon pinaagi sa pagsulat ug sa pagbuson sa nagaubang kupon uban ang ₱42.00.

Palihog ipadala, nga binayran nang prangkiyo, ang gahig-haping libro nga Akong Basahon sa mga Estorya sa Bibliya, nga alang niana gisukip ko ang ₱42.00.