“The Watchtower” Diha sa Cassette Gipabilhan

Dugang ug dugang mga tawo ang nakapahayag sa maong apresasyon. Ang usa ka batan-ong gikan sa Alberta, Canada, misulat:

“Ako 17-anyos nga dalaga nga nag-antos sa dyslexia, usa ka depekto sa pagkakat-on. Duna akoy suliran sa pagsabot bisag diyutay lang sa akong ginabasa. Apan, kon dunay mogahin ug panahon sa pagbasa sa impormasyon kanako, masabtan ko dayon kana.

“Sa miagi, kanunay gayod nga makaguol, o makapaluya sa buut, ang pagbasa sa The Watchtower. Karong adlawa nausab na kini. Bag-o pa lang nakong natapos ang pagpamati sa Enero 1 nga gula. Dili mahubit sa mga pulong kon unsa ka kulbahinam ang pagsabot sa akong nabasa, gikan sa hapin ngadto sa hapin! Mapasalamaton kaayo ako, ug mapabilhon niining bag-ong tagana.”

Malipay ka ba nga dunay mobasa kanimo sa kada gula sa The Watchtower sa sunod tuig? Buweno, sulati ug ibuson uban ang nagaubang kupon, lakip sa eksaktong kontribusyon, ug dawata ang The Watchtower diha sa mga teyp sa cassette. Usa ka rekord sa kada gula diha sa usa ka cassette nga ipadala kanimo sa koreyo, 2 ka cassette sa usa ka bulan, 24 alang sa usa ka tuig nga suskrisyon. Ang kontribusyon maoy ₱1,080 lamang. Alang sa mga tawong buta o dili makabasa sa normal nga materyal nga basahon, ang usa ka tuig nga suskrisyon maoy ₱240.

Palihog ipadala ang usa ka tuig nga suskrisyon alang sa mga teyp sa cassette sa The Watchtower. Tsekahi ang hustong kahon, ug ipadala ang eksaktong kontribusyon. (Gawas sa Pilipinas, pagsulat sa lokal nga sangang buhatan sa Watch Tower alang sa impormasyon.)

□ Ingles, 1 ka tuig. Gisukip ko ang ₱1,080.

□ Ingles, 1 ka tuig. Gisukip ko ang ₱240, maingon man ang sertipikasyon sa akong depekto (sama nianang ihatag sa mga organisasyon sa buta, sa mga doktor, o sa mga propesyonal sa rehabilitasyon).