‘Dako Kaayo ang Natabang Niini Kanako’

Ang mga batan-on sa pagkatinuod nagkinahanglan ug tabang karon, uban sa epidemiya sa mga paghikog sa tin-edyer, mga pagsabak, alkoholismo, pag-abuso sa droga, ug ubang mga problema. Apan asa nila kini madawat? Ang usa ka batan-on gikan sa Buffalo, New York, misulat sa Watchtower Society:

“Ako nakabasa sa inyong libro . . . Imong Pagkabatan-on​—Pagpahimulos sa Labing Maayo Niini. Ikaingon ko nga nakasulat kamo ug maayong libro. Dako kaayo ang natabang niini kanako, ug ako nahibalo nga makatabang usab kini sa uban. . . . Akong gipasa ang libro sa usa ka higala, ug siya may nahimong kauswagan. Salamat kaninyo, Sir, milyonmilyong salamat, sa pagsulat ug maayo, maayo kaayong libro.”

Ikaw usab makadawat niining bililhon gahig-haping libro alang sa mga batan-on pinaagi sa pagsulat ug sa pagbuson sa nagaubang kupon, lakip sa imong kontribusyon.

Palihog ipadala, binayran na ang prangkiyo, ang gahig-hapin, 192-panid nga librong Imong Pagkabatan-on​—Pagpahimulos sa Labing Maayo Niini. Gisukip ko ang ₱14.