“Ang Kadaot nga Nahimo Dako Kaayo”

ANG Gubat sa Kalibotan I nakapagan ug daghan kaayong tawhanong mga kinabuhi ug kabtangan. Apan, ang wala kaayo maila, mao ang kadaot nga nahimo sa gubat sa larawan sa mga misyonero sa Kakristiyanohan sa Aprika. Sumala sa Katolikong misyonero nga si Francis Schimlek diha sa iyang librong Medicine Versus Witchcraft, ang balita mahitungod niining tibuok yuta nga gubat “sama sa usa ka linog, ang pag-uyog niini nabati bisan sa halayong misyon nga nahimutang sa kasulopan sa Aprika. . . . Ang mga mensahero ni Kristo naulawan, ug ang Lumad nga mga Kristohanon naglibog.”

Ngano man? Si Schimlek mikutlo sa misyonerong si Albert Schweitzer nga nag-ingon: “Kita, kitang tanan, nahibalo nga daghang mga Lumad ang naglibog sa pangutana kon sa unsang paagi nga ang mga puti, nga nagdala sa Ebanghelyo sa Gugma, nagpinatyanay sa usag usa karon, ug gisalikway ang mga sugo ni Ginoong Jesus. Dihang ilang gibangon kining mga pangutanaha kanamo kami walay nahimo. . . . Nahadlok ako nga ang kadaot nga nahimo dako kaayo.”