Naangayan Kini sa Usa ka Katoliko

Usa sa mga Saksi ni Jehova nahiyosan ug ligid sa usa ka balangay sa Virginia, U.S.A. May balay sa duol, ug siya nanuktok sa pultahan. Ang ginang sa balay nagpadayon kaniya aron makatawag aron ayohon ang sakyanan. Sa ulahi ang Saksi nagpadalag sulat nga pasalamat, nga nagsukip ug gasang kopya sa librong Ikaw Mabuhing Walay Kataposan sa Paraiso sa Yuta (sa Ingles). Ang mosunod, sa bahin, mao ang tubag nga iyang nadawat.

“Ako mahimong prangka kaayo ug matinud-anon kanimo. Ako Romano Katoliko. Ug kon may moanha sa akong pultahan nga may Watchtower o bisan unsang tracts, ako dili modawat niana. Kon kana ipugos kanako, kana akong ilabay sa basurahan. Ang Katolisismo dulot nakagamot kanako sukad sa akong pagkabata pa kaayo.

“Bisan pa niana, ako nadani sa inyong libro tungod kay kini may ‘Paraiso’ diha sa titulo ug kay tin-aw ug sayon kanang basahon. Ang mga pangutana sa ubos sa mga panid nagdasig sa pagbasa, ug ang mga hulagway nakadani kanako. Gusto ko ilabina ang panid 11 tungod kay ako naningkamot sa pagmugna nianang paraisoha dinhi alang sa mga langgam ug mga hayop. Ako may lagsaw, mga koneho, chipmunks, squirrels, ihalas nga mga pabo ug mga langgam sa tanang matang. . . .

“Ikaw milampos gayod sa pagpabasa sa usa ka Katoliko sa usa ka libro sa laing relihiyon. Ha! Ako dili gayod makombertir sa laing relihiyon. Apan akong gibasa ang libro, ug ang akong bana karon nagabasa niana. Salamat pag-usab!”

Kining maayong basahon may 256 ka panid, nga samag gidak-on sa iya niining magasina, ug puno sa kapin sa 150 ka ilustrasyon, nga kadaghanan matahom ug kolor. Pagpadala lamag ₱35; ang gamay ₱17.50.

Palihog ipadala, nga binayran nang prangkiyo, ang librong Ikaw Mabuhing Walay Kataposan sa Paraiso sa Yuta. Ipaila pinaagi sa pagmarka sa respektibong mga kahon kon kaha buot nimo ang dakong edisyon sa tag ₱35 [ ] o ang gamayng edisyon sa tag ₱17.50 [ ], ug isukip ang tukmang salapi.