“Wala Gayod Ako Lung-i sa Akong Anak”

MAO kana ang gitaho sa usa ka amahan dihang miabot siya sa sangang opisina sa Watch Tower Society sa Peru karong bag-o. Siya miasoy:

“Ang akong batang lalaki mga semana nang nagsamok kanako, gusto siya nga kuhaan ko siya sa libro Akong Basahon sa mga Estorya sa Bibliya. Sukad nakabaton ug usa niini ang iyang kauban sa eskuylahan, wala na gayod ako lung-i sa akong anak. Nahadiindiin na ako sa pagpangita kon asa makakuhag kopya. Wala gayod akoy ideya kon asa magsugod. Ang pagpangutana sa mga tindahag libro walay mga resulta.

“Gihisgotan nako kini sa usa sa akong kauban sa opisina, ug siya miingon nga moadto ako sa mga Saksi ni Jehova aron makabaton niana. Matud ko, ‘Dili! Dili kining mga tawhana. Kanunay silang moabot sa akong pultahan, ug ginaabog ko sila kanunay.’ Apan iya akong gikombinsir nga dili kamo daotan​—sa tinuod, midayeg siya kaninyo ug miingon nga ang libro nga akong gipangita tinuod gayod nga maayo. Busa ania ako. Gusto ko niadtong libroha.”

Among gibati nga ikaw, usab, gusto ning matahom nga pagkailustrar nga libro, sa dakog-letrang publikasyon. Kini dunay 116 ka asoy sa Bibliya nga mohatag sa magbabasa ug ideya kon unsa gayod ang Bibliya.

Palihog ipadala, binayran na ang prangkiyo, ang gahig-haping publikasyong Akong Basahon sa mga Estorya sa Bibliya, nga alang niini gisukip ko ang ₱35.