‘Mao Kini ang Akong Gipangita’

Ang mga kinabuhi sa tawo mausab sa gamayng butang. Giilustrar kini sa usa ka dalagita sa Argentina kinsa misulat sa mosunod ngadto sa hedkuwarter sa tibuok kalibotan sa Watch Tower Society sa Brooklyn, New York:

“Minahal nga Editor:

Palihog pahibaloa ako kon sa unsang paagi madawat ko ang magasing Ang Bantayanang Torre nga inyong gipatik. Gipahulam ako sa akong silingan ug kopya sa magasin ug ang akong nabasa niana mao ang akong gipangita sa dugay nang panahon. Pagkadako sa kaayohan ang nahatag niini kanako! Nakahatag kini kanakog dakong kalipay. Abi gud ninyo, 15 anyos ako ug nag-inusara sa kalibotan. Walay bisan usa ang nahingawa kanako, ug ang inyong magasin nakahatag kanakog paglaom. Gihangyo ako sa silingan sa pag-uli sa magasin sanglit usa kadto sa mga butang nga gibilin sa iyang inahan, nga bag-o pang namatay.”

Gitapos sa dalagita ang iyang sulat nga nagsaysay nga pobre kaayo siya apan himoon niya ang tanan aron makabayad sa magasin. Gipadala ang iyang sulat ngadto sa Argentina, wala magdugay usa ka hawas sa Watch Tower Society miduaw sa dalagita. Misuskriber siya sa duha ka magasing Ang Bantayanang Torre ug Pagmata! Tulin ang iyang pag-uswag sa kahibalo sa Bibliya ug gibawtismohan. Karon nakigbahin na siya uban sa libolibo sa iyang mga igsoong mga lalaki ug babaye sa Argentina diha sa Kristohanong ministeryo.

Ikaw, usab, makabaton sa Ang Bantayanang Torre ug sa kaubang magasin niini nga Pagmata! nga ihatod sa imong balay pinaagi sa pagsulat ug sa pagbuson sa nagaubang kupon.

Palihog ipadala ang usa ka tuig nga suskrisyon sa Ang Bantayanang Torre ug Pagmata! Gisukip ko ang ₱100. (Gawas sa Pilipinas pagsulat sa lokal nga sanga sa Watch Tower Society alang sa impormasyon.)