Usa ka Gabii sa Paghandom

PANAHON sa usa ka yanong seremonya, gigamit ni Jesu-Kristo ang bino ug walay-lebadura nga tinapay ingong mga simbolo sa halad nga duol na niyang buhaton alang sa katawhan.

Sa gisugdan ang maong selebrasyon, siya miingon: “Ipadayon ninyo pagbuhat kini sa paghinumdom kanako.”​—Lucas 22:19.

Sa miaging tuig, 7,792,109 ka tawo naghinumdom kang Jesus pinaagi sa pagtambong sa Memoryal sa iyang pagkamatay panahon sa linaing mga tigom nga giesponsor sa tibuok kalibotan sa mga Saksi ni Jehova. Ikaw tim-os nga gidapit sa pagtambong sa pagsaulog sa Memoryal karong tuiga sa Kingdom Hall nga kinadul-an sa inyong balay.

Kini pagahimoon sa Lunes, Marso 24, tapos sa pagsalop sa adlaw. Pakisusi sa mga Saksi ni Jehova sa inyong dapit alang sa eksaktong oras.