SOPERET

[gikan sa lintunganayng pulong nga nagkahulogang “isip; ihap”].

Lagmit nga usa ka katigulangan sa usa ka banay (“ang mga anak ni Soperet”) taliwala sa “mga anak sa mga alagad ni Solomon” kinsa namalik gikan sa pagkadestiyero sa Babilonya. (Esd 2:55; Neh 7:57) Si Esdras nagbutang ug usa ka tinong artikulo una sa So·pheʹreth, nga naghimo niini nga Has·so·pheʹreth, lagmit nagkahulogang “ang eskriba.” Gituohan sa pipila nga ang mga anak ni Soperet maoy usa ka grupo sa mga eskriba o mga magkokopya. Ang mga kahulogan sa pipila sa ubang mga ngalan diha sa talaan mahimong magtumong sa usa ka matang sa trabaho, samtang ang uban wala.