TUMBANAN SA TIIL

Usa ka mubo nga patonganan o sanggaanan sa mga tiil sa dihang maglingkod ang usa ka tawo. Ang Hebreohanong pulong nga keʹvesh makita kas-a lamang diha sa Kasulatan ug gigamit maylabot sa bulawan nga tumbanan sa tiil diha sa trono ni Haring Solomon. (2Cr 9:18) Ang Hebreohanong ekspresyon nga hadhomʹ ragh·laʹyim (sa literal, “bangkito sa mga tiil”) makita sa unom ka teksto ug gigamit nga mahulagwayon sa pagtumong sa templo (1Cr 28:2; Sal 99:5; 132:7; Lam 2:1), sa yuta (Isa 66:1), ug sa mga kaaway nga laglagon sa pagmando sa Mesiyas (Sal 110:1). Gibadlong ni Santiago kadtong nagpakitag pagpihigpihig diha sa kongregasyon, nga naggamit sa sambingay labot sa usa ka tawong kabos nga gisultihan: “Lingkod diha sa ubos duol sa tumbanan sa akong mga tiil.” (San 2:3) Ang tanang ubang mga teksto diin makita ang mga pulong nga ‘tumbanan sa mga tiil’ diha sa Kristohanon Gregong Kasulatan maoy mga kinutlo o mga reperensiya gikan sa Hebreohanong Kasulatan.​—Mat 5:35; Buh 7:49; “tumbanan sa imong [o, iyang] mga tiil” diha sa Luc 20:43; Buh 2:35; Heb 1:13; 10:13.