Pagkabanhaw ni Jesus Hangtod sa Pagkabilanggo ni Pablo

Sa ikatulong adlaw human sa iyang pagkamatay, gibanhaw si Jesus ug mipakita sa iyang mga sumusunod sa lima ka lainlaing mga higayon. Sulod sa 40 ka adlaw, siya padayong mipakita kanila, unya siya misaka ngadto sa langit. Napulo ka adlaw sa ulahi, ang Diyos mibubo sa balaang espiritu sa mga sumusunod ni Jesus nga naghulat sa Jerusalem.

Sa ulahi, ang mga apostol gibalhog sa bilanggoan, apan usa ka manulunda nagluwas kanila. Si Esteban gibato ngadto sa kamatayon sa mga magsusupak. Usa niining mga magsusupaka, bisan pa niana, gipili ni Jesus nga mahimong iyang espesyal nga alagad ug nahimong ang apostol Pablo. Unya, tulo ug tunga ka tuig human sa kamatayon ni Jesus, si Pedro nagwali sa dili-Hudiyo, si Cornelio.

Dul-an sa 13 ka tuig sa ulahi si Pablo nagsugod sa iyang unang panaw sa pagwali. Si Pablo adunay daghang makalipayng mga kasinatian sa pag-alagad sa Diyos hangtod, sa kataposan, siya gibilanggo sa Roma. Duha ka tuig sa ulahi siya gipagawas. Unya siya gibutang sa bilanggoan pag-usab, ug gipatay. Ang BAHIN 7 mokobreg yugto nga dul-an sa 32 ka tuig.