Ang Pagmata! Nagdasig sa Batok-Tabako nga Poster

SINULAT SA KORESPONSAL SA PAGMATA! SA ITALYA

DI PA DUGAY, sa siyudad sa Mortara sa amihanang Italya, ang Anticancer League sa Italya ug usa ka lokal nga mantalaan nag-organisar ug indigay taliwala sa hayskul nga mga estudyante sa pagdisenyo ug batok-tabako nga poster. Ang katorse-anyos nga si Simona, usa sa mga Saksi ni Jehova, mikonsulta sa lainlaing mga isyu sa Pagmata! alang sa mga ideya bahin sa mga kapeligrohan sa tabako, ilabina sa Hulyo 8, 1989, ug Mayo 22, 1995, nga mga isyu. Si Simona misulat: “Sa dihang naghimog panukiduki, ako nakadayeg sa mga hapin niining mga isyuha. Ako nagdrowing ug ulong kalabera nga may sigarilyo sa baba niini sama sa usa nga akong nakita sa Pagmata!, ug ang ulohan sa hapin naghatag kanakog ideya sa akong eslogan.” Ang iyang eslogan mao, “Pagpanabako—Kini Mipatay ug Minilyon Aron Mokitag Minilyon.” Ang iyang poster maoy usa sa 250 nga gisalmot sa indigay.

Bisag si Simona mas bata kay sa kadaghanan sa mga estudyante diha sa indigay, siya ang gihatagan sa unang ganti, nga naglakip sa $300 nga libreng pagtuon. Si Simona misulat ngadto sa sangang buhatan sa Watch Tower Society aron ipahayag ang iyang pasalamat tungod sa epektibong mga hapin sa Pagmata! nga mihatag kaniyag mga ideya. Siya nalingaw sa pagbasag Pagmata! dili lamang tungod sa mga hapin niini kondili tungod usab sa tukma-sa-panahon ug praktikal nga mga artikulo niini maylabot sa panglawas, bag-ong mga panghitabo, ug sa mga hagit nga giatubang sa mga batan-on. Iyang gitapos ang iyang sulat: “PS: Padayon sa pagpatik ug ekselenteng mga artikulo!”

Kon buot nimong makadawat ug dugang impormasyon bahin sa ubang mga isyu nga nag-apektar sa mga Kristohanon, palihog kontaka ang lokal nga Kingdom Hall sa mga Saksi ni Jehova o ipadala ang kupon sa ubos.

□ Padalhi ako ug usa ka kopya sa brosyur nga Unsay Gikinahanglan sa Diyos Kanato?

□ Palihog kontaka ako bahin sa usa ka libreng pagtuon sa Bibliya sa balay.