Pagsagubang sa Kamatayon sa Usa ka Bata

USA ka inahan nga taga-Britanya misulat aron ipahayag ang apresasyon alang sa brosyur nga Sa Dihang ang Imong Minahal Mamatay. “Kining brosyura maoy pagkaon gayod sa tukmang panahon alang sa among pamilya.” Dayon siya misaysay:

“Ang mga kasinatian nga gibatbat sa brosyur susama gayod sa among kahimtang. Makapahupay kaayo ang pagkasayod nga ang uban mibati sama kanamo.

“Ilabinang akong gipabilhan ang bahin nga miila nga ang pagkakuha sa bata maoy usa ka kamatayon ug makapaguol. Tungod kay ang bata wala gayod magpuyo sa gawas sa tagoangkan ug mahimong usa ka tawo alang kanila, daghan ang dili makasabot niini nga kaguol.

“Dili ordinaryo ang akong pagkanakuhaan . . . Ako kinahanglang pugson nga magbati sa maong duha ka kahimtang ug nanganak ug patayng mga bata. Mouyon ako sa mga pulong ni Veronica (sa panid 10 sa brosyur), nga miingon: ‘Ang pagpanganak sa usa ka patayng bata maoy makalilisang nga butang alang sa usa ka inahan.’”

Tingali ikaw o usa nga imong kaila makabaton usab ug kahupayan tungod sa pagbasa niining gipabilhan pag-ayong 32-panid nga brosyur. Imong madawat ang Sa Dihang ang Imong Minahal Mamatay pinaagi sa pagpil-ap ug pagpadala sa kaubang kupon ngadto sa adres nga gipakita diha sa kupon o sa tukmang adres nga gilista sa panid 5 niining magasina.

□ Padad-i ako ug usa ka kopya sa brosyur nga Sa Dihang ang Imong Minahal Mamatay.

□ Palihog kontaka ako mahitungod sa usa ka libreng pagtuon sa Bibliya sa balay.