Usa ka Desisyon nga Dili Nimo Basolan

GATOSAN ka milyon ka lalaki ug babaye nga natawo human sa Gubat sa Kalibotan II mga edaran na karon. Bisan pag daghan ang mibating tagbaw sa kon unsay ilang nalampos, ang uban nahigawad. Sila nagminyo, nagtrabaho, nanganak, ug nagpatunghag mga pamilya, ug ang pipila nakakita sa pagkamatay sa ilang mga ginikanan. Karon, samtang sila nagkaubanon, mibug-at ang timbang, ug ang mga tuhod nagsugod sa pag-agiik, ang uban mibating sila napakyas sa pagkab-ot sa ilang mga tumong sa kinabuhi. Sa pagkahigawad, sila tingali mangutana, ‘Unsay kahulogan sa kinabuhi?’ Lagmit ikaw usab nakasukna nianang pangutanaha.

Walay duhaduha nga dakog bili ang pagpamalandong sa imong kinabuhi matag karon ug unya. Sa laing bahin, ang paghunahuna bahin sa nangaging mga desisyon nga imong gibasolan makapahigawad kanimo. Inay sa pagsulti sa imong kaugalingon nga, ‘Kon ako lang unta . . . ,’ mas maayo nga isentro ang pagtagad diha sa maalamong mga desisyon nga mahimo pa nimong buhaton sa umaabot. Ang usa sa maong desisyon mao ang pagsusig impormasyon nga magtubag sa mga pangutana bahin sa kahulogan sa kinabuhi. Busa, kami nagadapit kanimo sa pagbasa sa publikasyong Tinuod Bang May Pagtagad ang Diyos Kanato? Ang pagdawat sa among pagdapit maoy usa ka desisyon nga dili nimo basolan.

Makadawat ka niining 32-panid nga brosyur pinaagig pagpil-ap sa kaubang kupon ug pagpadala niini sa gipakitang adres o sa nahiangayng adres nga nalista sa panid 5 niining magasina.

□ Padalhi ako ug usa ka kopya sa brosyur nga Tinuod Bang May Pagtagad ang Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.