“Samag Sugnod sa Kalayo”

KANA ang pagkahubit ni Jennifer, usa ka 16-anyos nga batang babaye nga taga-Oakland, California, T.B.A., sa mga magasing Bantayanang Torre ug Pagmata! “Pinaagi sa padayong pagsugnod sa akong kadasig sa mga kaundan niini, nahinam gayod sa hilabihan ang akong kasingkasing,” mao ang iyang pagkasulti. “Ang paagi sa pagkasulat sa mga artikulo,” siya miingon, “nagpatin-aw nga kini gisulat aron ipadayag ang kamatuoran sa mga butang niadtong walay alamag.”

Si Jennifer usab misulat sa pagpasalamat sa “tanang impormasyon nga nagdepensa sa katinuoran sa Bibliya.” Siya miingon: “Halos matag tawo nga akong maestorya kulang ug pagsalig sa Bibliya. Ang kamatuoran nga ang tanan niining impormasyona nga nagpamatuod nga ang Bibliya takos sa pagsusi gipatik nagpahibalo kanako nga kining impormasyona gikinahanglan dili lamang sa akong nasod kondili sa tanang dapit.”

Tinuod gayod kini. Ang impormasyong nagpasiugda sa kabililhon sa Bibliya tin-awng gikinahanglan sa tibuok-yuta. Kana ang hinungdan kon nganong ang brosyur nga Usa ka Basahon Alang sa Tanang Tawo gitagana. Tubagon niini ang mga pangutanang sama sa: Masaligan ba ang Bibliya? Nahiuyon ba kini sa siyensiya? Usa ba kini ka praktikal nga basahon alang sa modernong pagkinabuhi?

Makadawat ka niining 32-panid nga brosyur pinaagig pagpil-ap ug pagpadala sa kaubang kupon ngadto sa adres nga makita sa kupon o ngadto sa nahiangayng adres nga nalista sa panid 5 niini nga magasin.

□ Padalhi ako ug usa ka kopya sa brosyur nga Usa ka Basahon Alang sa Tanang Tawo. Ipaila kon unsa nga pinulongan.

□ Palihog kontaka ako bahin sa libreng pagtuon sa Bibliya sa balay.