Kini Adunay Kaylap nga Pagkamadanihon

“ANG brosyur nga inyong gipatik nga Unsay Gikinahanglan sa Diyos Kanato? maayo kaayo. Diyes anyos lamang ako, apan makasabot ako niini, ug sayon kining basahon. Ako kining nasabtan pag-ayo, ug sa dihang nakaabot na ako sa leksiyon 16, dili ko buot nga basahon kini sa sinugdan tungod kay giganahan kaayo ko sa brosyur. Gusto ko nga duna pay dugang.”

Ang brosyur, ang hapin niini inyong makita nga gihulad dinhi, wala gipatik alang lamang sa kabataan. Apan ang materyal gipresentar sa usa ka tin-aw, yanong paagi nga ang kabataan makasabot sa pangunang mga pagtulon-an sa Bibliya ug sa matang sa panggawi nga gikinahanglan sa Diyos kanato. Pananglitan, ang brosyur motubag sa mga pangutana sama sa: Unsay angay natong panglantaw sa pagpamakak? Husto ba ang pagsugal? Sayop ba ang magpahubog? Angay ba alang sa dili-minyong mga tawo nga makigsekso?

Kon kamo mohangyo pinaagi sa pagsulat ngadto sa Watch Tower, P. O. Box 2044, 1060 Manila, o sa nahiangayng adres sa panid 5, malipay kami sa pagpadala kaninyo nga walay bayad niining 32-panid nga brosyur nga Unsay Gikinahanglan sa Diyos Kanato? Ang 16 ka leksiyon niini gidisenyo ingong usa ka kurso sa pagtuon sa Bibliya. Ang pipila sa mga leksiyon may mga ulohang “Unsa ang Katuyoan sa Diyos Alang sa Yuta?,” “Unsa ang Gingharian sa Diyos?,” “Pamilyahanong Kinabuhi nga Makapahimuot sa Diyos,” ug “Mga Naandang Buhat nga Gidumtan sa Diyos.”

□ Padalhi ako sa brosyur nga Unsay Gikinahanglan sa Diyos Kanato?

□ Palihog kontaka ako bahin sa libreng pagtuon sa Bibliya sa balay.