Tabang Alang sa Nagakagun-ob nga Kaminyoon

Usa ka babaye gikan sa North Island sa New Zealand misulat bahin sa librong Ang Sekreto sa Kalipay sa Pamilya: “Sa dihang milingkod ako sa unang higayon aron pagtuon sa publikasyon, gibati kong ingon sa daw ang akong kaminyoon diha na sa punto diin ako maningkamot sa ‘pagpalampos o pagtapos niini.’”

Gibatbat niya ang iyang kagikan. “Ang akong inahan nag-antos sa duha ka mapasipad-on kaayong mga kaminyoon. Ingong resulta, kami gitudloan kanunay nga ang mga lalaki walay pulos ug nga sila mangdaogdaog lamang sa mga babaye. Busa ako nagdako nga maldita kaayo, gahig-ulo nga babaye kinsa dili magpadaog sa mga panaglalis.”

Ang babaye midawat sa panginahanglan ug kausaban. “Nakaamgo ako nga tungod kay wala magpasakop sa akong bana ug tungod kay ako mapahitas-on kaayo, akong gisalikway ang purohan alang sa kalipay sa pamilya.” Busa mihimo siyag hinungdanong mga kausaban, ingon sa iyang gibatbat: “Ang akong bana ug ako nagtuon na karon sa libro ingong usa ka pamilya, ug ako nagtuon pa kon unsaon sa pagkahimong Kristohanong asawa. Malipayon kaayo kami sa among relasyon karon apan sa gihapon dako pa ang gikinahanglang pagpauswag nga himoon.

“Ang among panimalay sukad wala pa gayod mahimong ingon niini ka mahigugmaon ug ka malinawon karong adlawa.”

Kon buot nimo ang usa ka libreng kopya sa 32-panid nga brosyur nga Unsay Gikinahanglan sa Diyos Kanato?, nga niana ang leksiyon 8 naghisgot sa “Pamilyahanong Kinabuhi nga Makapahimuot sa Diyos,” pagsulat sa Watch Tower, P.O. Box 2044, 1060 Manila, o sa nahiangay nga adres sa panid 5. Kon buot usab nimo nga adunay magdumala ug usa ka libreng pagtuon sa Bibliya sa balay uban nimo, palihog paghisgot niana.