Kadto Nakatabang Kanila nga Mohunong sa Pag-away

Usa ka 11-anyos nga batang lalaki sa California, T.B.A., misulat sa mga Saksi ni Jehova sa Brooklyn, New York:

“Nalingaw ako sa inyong mga libro, ilabina Ang Sekreto sa Kalipay sa Pamilya. Sa wala pa kami makabaton sa maong libro, ako ug ang akong igsoong babaye dili gayod makahunong sa pag-away. Usa ka adlaw mihukom kami sa pagtuon sa maong libro, ug kami nakaamgo nga wala namo mabuhat ang buot sa Diyos nga buhaton unta namo.

“Kining libroha nakatabang gayod kanamo ug dako. Ako mapasalamaton tungod niini, ug ako nagdasig sa ubang mga pamilya nga basahon kining libroha sanglit kini maayo kaayo. Kini nagtabang usab sa akong pamilya sa pagkakaplag ug kalinaw ug kalipay sa among panimalay.”

Ang Sekreto sa Kalipay sa Pamilya maoy 192-panid nga librong naghisgot sa makatabang nga mga ulohan sama sa “Panalipdi ang Inyong Pamilya Gikan sa Makadaot nga mga Impluwensiya,” “Mentinaha ang Kalinaw sa Inyong Panimalay,” ug “Masagubang Nimo ang mga Suliran nga Magdaot sa Usa ka Pamilya.”

Kon buot nimong adunay usa nga magdumala ug libreng pagtuon sa Bibliya sa balay uban nimo, pagsulat sa Watch Tower, P.O. Box 2044, 1060 Manila, o sa nahiangay nga adres sa panid 5.