“Dili Gayod Ako Ganahan Mobasa ug Pagmata!”

Mao kana ang mga pulong sa usa ka estudyante sa San Jose State University, California, nga nalista sa kurso nga Pagtuon sa Kalikopan. Siya mipadayon: “Ako naghunahuna nga ang magasin magasangyaw kanako​—‘Simba’ o, ‘Mahimong Saksi ni Jehova.’ Apan, sa dihang nabasa nako kining isyuha (Enero 8, 1996, ‘Atong Nameligrong Planeta​—Maluwas ba Kini?’), sa akong katingala kadto tinuod gayod! Ang mga artikulo naglakip sa tugob-sa-impormasyon nga dayagram sa ‘Pipila ka Dagkong mga Suliran Labot sa Kalikopan sa Kalibotan,’ nga nagpakita sa mga dapit nga nag-antos gumikan sa pagpuril sa kalasangan, makahilong mga biya, polusyon sa atmospera, kanihit sa tubig, mga espisye nga nameligrong mapuo, ug pagkadaot sa yuta.

“Hangtod karon wala pa akoy mga anak, apan kon aduna man ako nabalaka kon aduna pa ba silay hinlo nga hangin nga hanggabon, mga parke nga dulaan, o tubig aron mabuhi. . . . Gidayeg ko kamo tungod niining mga artikuloha.”

Ang Pagmata! karon adunay sirkulasyon nga 18.3 milyong kopya sa matag isyu sa 80 ka pinulongan, 56 niana dungan nga gipatik. Kon buot nimong mobasa niining magasina sa regular nga paagi, palihog kontaka ang mga Saksi ni Jehova sa inyong dapit, pinaagi sa telepono o sa lokal nga Kingdom Hall, o pagsulat sa kinadul-ang adres nga nalista sa panid 5.