Giuhaw Ka ba sa Kahibalo sa Bibliya?

SULOD sa daghang dekada ang panaghisgot sa Bibliya gidili sa Komunistang mga nasod. Apan sa natapos ang Bugnawng Gubat, gatosan sa linibong tawo didto nagsugod sa pagpangita sa kahibalo sa Bibliya. Samtang kini nagakahitabo ilabina sa mga republika sa kanhing Unyon Sobyet, ang kahimtang susama sa mga nasod sa Sidlakang Uropa.

Pananglitan, usa ka panaghisgot sa Bibliya ang nakahatag ug dakong kalipay sa 45-anyos nga magtutudlo sa biyolohiya ug kemistriya sa Pecs, Hungaria. “Makaiikag ug makapalipay kaayo nga kasinatian nga makigsulti sa usa sa mga Saksi ni Jehova sa miduaw ako sa Budapest,” ang magtutudlo misulat. “Buot ko nga mobasa sa Kasulatan, ug gusto ko nga adunay usa ka pagtuon sa Bibliya. Ako mapasalamaton nga modawat sa inyong tabang.”

Ang mga Saksi ni Jehova malipay sa pagtagana sa maong tabang sa mga tawo bisan diin. Kon buot ka nga adunay usa nga moduaw sa imong balay aron hisgotan ang Bibliya uban kanimo, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5.