“Salamat sa Pagtabang Kanako nga Makakat-on Bahin Kang Jehova!”
Mao kana ang kinasingkasing nga pahayag sa usa ka 16-anyos nga dalagita gikan sa Florida, T.B.A. Human mabasa ang mga publikasyon nga gipatik sa mga Saksi ni Jehova, siya misulat:
“Wala ako makahinumdom sa ngalan niana, apan nabasa nako ang usa ka libro bahin sa kinabuhi ni Jesus nga nagtuo ako nga inyong gipatik. Sa wala pa mobasa nianang libroha, nagtuo ako nga nahibaloan na nako ang tanan nga gikinahanglan nakong mahibaloan. Nagtuo ako ug Diyos ug kang Jesus, nag-ampo ako sa dili pa manihapon ug usab sa gabii, ug ako nagkinabuhi ug maayong kinabuhi. Apan human mabasa ang maong libro, akong nahibaloan nga ako wala diay kaayoy nahibaloan ug nga ako kinahanglang magpadayon sa pagbasa ug pagkakat-on bahin kang Jehova nga Diyos ug kang Jesus ug sa uban diha sa Bibliya.
“Ako hinayhinay nang nagbag-o sa pipila sa akong mga batasan aron ako mahimong mas maayong alagad sa Diyos. Kon dili pa unta sa Watch Tower Society, ako mahimong ignorante pa gihapon bahin sa Diyos ug sa mga sugilanon diha sa Bibliya. Salamat sa pagtabang kanako nga makakat-on bahin kang Jehova!”
Ang Labing Bantogang Tawo nga Nabuhi Sukad mao ang ulohan sa libro nga gihisgotan sa babaye. Diha niana usa ka paningkamot ang gihimo sa pagpresentar sa matag hitabo sa yutan-ong kinabuhi ni Jesus nga giasoy diha sa upat ka Ebanghelyo. Kon buot nimo nga makadawat ug usa ka kopya o buot nga may usa ka pagtuon sa Bibliya sa balay nga walay bayad, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5.