Nalingaw ang Magtutudlo Niana

“SA MIAGING tuig sa akong ikanapulong grado nga klase sa Ingles, migugol kamig pipila ka adlaw sa pagtuon sa nagkadaiya uyamot nga mga relihiyon sa kalibotan,” misulat ang usa ka batan-ong taga-Michigan, T.B.A. Ang bayongbayong nagdalag kopya sa librong Pagpangita sa Katawhan sa Diyos ngadto sa eskuylahan. Siya misaysay:

“Nagtuo gayod ako nga ang akong magtutudlo mainteres mismo niana. Nalipay akong nakakita kaniya nga nagbasa sa libro samtang ang mga estudyante naghimo sa mga buluhaton sa eskuylahan. Hinunoa, mahanduraw nimo ang akong hilabihang katingala sa dihang, sa wala pa matapos ang klase, ang akong magtutudlo nagpahunong sa mga estudyante sa ilang gibuhat ug gibasa nga kusog kanamo ang tibuok unang kapitulo. Gipakuha pa niya kami ug mga nota niana.

“Pipila ka adlaw sa ulahi, gigamit na usab niya ang libro sa pagtudlo sa klase, nga nag-asayn sa mga estudyante sa paghimog laing report, nga nagsulti kanila nga magamit nila ang librong Pagpangita sa Katawhan sa Diyos ingong pasikaranan. Ang libro gigamit sa enterong usa ka oras.”

Kon buot nimo ug kopya sa Pagpangita sa Katawhan sa Diyos o buot nimo ug libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5.